БУМ! Сон "Реал" футболчисига айланиши мумкин

"Тоттенхэм" ҳужумчиси Сон Хён Мин "Реал"га ўтиши мумкин, деб хабар берди "Sport1".

Кореялик ҳужумчи Англия клуби билан 2025 йилгача мўлжалланган шартнома имзолаганига қарамай, фаолиятидаги навбатдаги қадамни ташламоқчи. Сон яқин келажакда турли вариантларни кўриб чиқади.

Мадриднинг "Реал" клуби бош мураббийи Карло Анчелотти футболчини яқиндан кузатиб бормоқда. Шунингдек, Сонга "Бавария" ва ПСЖ ҳам қизиқиш билдирмоқда.

30 ёшли кореялик футблчи жорий мавсум Англия Премьер-лигасида 12 та ўйинда майдонга тушиб, 3 та гол урди ва 2 та голли узатмани амалга оширди. Сон Чемпионлар Лигасида 4 та учрашувда 2 та тўп киритди. У 2015 йилдан бери "Тоттенхэм" сафида тўп тепиб келади.