Бутунжаҳон кўчманчи халқлар ўйинларининг биринчи кунида 11 та медаль қўлга киритилди

Унда иштирок этаётган спортчиларимиз алиш кураши (Қирғизистон кураши), армрестлинг спорт турлари бўйича баҳсларга киришгани ва армрестлингда 3 та бронза медалини қўлга киритишганди.

Ўйинларнинг алиш кураши (Қирғизистон кураши) тури бўйича баҳсларда 30 та давлатидан ташриф буюрган 140 нафар спортчи иштирок этди. Ушбу спорт тури бўйича ҳам вакилларимиз салмоқли ютуқларни қўлга киритишди. Эркаклар ўртасида Мардонбек Кимсанов (60 кг),  Хусниддин Рўзиев (70 кг) олтин, Камоллидин Махкамов (80 кг), Зайлобиддин Артиков (90 кг) ва Обидали Мавлонов (100 кг) мусобақанинг кумуш медалини қўлга киритишган бўлса, аёллар ўртасида ўтказилган баҳсларда Мафтуна Махмудова (60 кг), Дилафруз Мамажонова (70 кг), Бекзода Худабердиева (75 кг) бронза медалга сазовор бўлишди.

Ўйинларнинг биринчи кунида армрестлинг ва алиш кураши (Қирғизистон кураши) бўйича баҳсларда жами 18 нафар спортчимиз иштирок этиб, 11 та медаль (2 та олтин, 3 та кумуш ва 6 та бронза) қўлга киритилди.

Бугун вакилларимиз қозоқ кураши, пахлавани (Эрон кураши), гореш (Туркманистон кураши), Лочин ови ва Тайганлар югуриши турлари бўйича баҳсларга киришади.