UZ

Сўнгги янгиликлар

20:46“Great Silk way-2024”. Боксчиларимиз турнирни умумжамоа ҳисобида биринчи ўринда якунлашди 0 19:50Дана Уайт Конор Макгрегорнинг камчилиги ҳақида гапирди 0 19:28Оливейра нима учун Царукян билан жангга рози бўлганини айтди 0 19:06Хавининг дисквалификацияси бўйича апелляция рад этилди 0 18:45Жаҳонгир Нажмиддиновнинг Анвар Азизли билан жанги бўйича берилган апеллация натижаси қандай бўлди? 0 18:23Новак Жокович грунт мавсумга тайёргарликни бошлади 0 18:02Оливейра Царукянга маслаҳат берди 0 17:41Хави «Барселона»да қолиши мумкин, бироқ бош мураббий сифатида эмас 0 17:18Дзюдо. Анталия "Катта Дубулға" турнирига қуръа ташланди, ҳамюртларимизнинг илк рақиблари билан танишинг 0 16:58Нигина Абдураимова Словенияда чорак финалга чиқди 0 16:37Адесанья UFC 305 турнирининг марказий жангида октагонга кўтарилиши мумкин 0 16:16Месси: "ЖЧ-2022да ғолиб бўлмаганимизда, мен терма жамоадан кетардим" 0 15:54Жасур Алижанов МPL 9 нинг санаси ва манзилини очиқлади 0 15:32Тошкентда шахмат бўйича "Георгий Агзамов хотира турнири" старт олди 0 15:11UFC россиялик аралаш яккакураш усталари ўртасидаги қизиқарли жангни эълон қилди 0

16 июл 18:35
Янгиликлар

Шахмат

Бутунжаҳон шахмат Олимпиадаси бошланишига оз қолмоқда: мусобақа ҳақида нималар биламиз?

Шу йилнинг 28 июль - 10 август кунлари Ҳиндистоннинг Ченнай шаҳри Бутунжаҳон шахмат Олимпиадасига мезбонлик қилади.

Бир неча сабаблар туфайли узоқ танаффусдан сўнг ўтказилаётган ушбу нуфузли мусобақада жаҳоннинг 100 дан ортиқ мамлакатидан гроссмейстерлар медаллар учун кураш олиб борадилар. 


Танаффусдан кейин ўтказилаётган Олимпиада

Ҳисоб бўйича 44-Олимпиада ҳисобланадиган ушбу баҳслар 2020 йилнинг августида Россиянинг Ханти-Мансийск шаҳрида ўтказилиши лозим эди. Бироқ, коронавирус пандемияси сабаб Олимпиада бошқа муддатга қолдирилганди. Шу йил февраль ойида Россия Федерациясининг Украинага босқини сабаб FIDE 44-Шахмат Олимпиадаси Россиядан олиб қўйилишини маълум қилди. Шу йил 15 март куни эса Олимпиада мезбони сифатида Ҳиндистоннинг Ченнай шаҳри эълон қилинди. 

Баҳслар 11 та турдан иборат швейцарча тизимда ташкил этилади. 

Беллашувларга 29 июль куни старт берилади. 9 август куни эса сўнгги 11-кун баҳслари ўтказилади. Умумий ҳисобда энг кўп очко тўплаган терма жамоалар мос равишда олтин, кумуш ва бронза медалларини қўлга киритишади. 


Ўзбекистоннинг шахмат Олимпиадаларидаги иштироки ҳақида қисқача

Ўзбекистонлик шахматчилар бунгача 1992 йилда Филиппиннинг Манила шаҳри мезбонлик қилган 30-Бутунжаҳон шахмат Олимпиадасида эркаклар ўртасида иккинчи ўринни қўлга киритишган. Ўшанда терма жамоамиз шарафини Валерий Логинов, Григорий Серпер, Александр Ненашев, Сергей Загребельний, Михаил Салтаев ва Саидали Йўлдошев ҳимоя қилган. 

Сўнгги маротаба 2018 йилда ўтказилган Батуми Олимпиадасида эса эркаклар ўртасида 16, аёллар ўртасида эса 17-ўринни қўлга киритганмиз. 

2018 йили Туркиянинг Конья шаҳрида 16 ёшгача бўлган шахматчилар ўртасидаги мусобақада ҳамюртларимиз чемпионликни қўлга киритишганди. Ўша авлоднинг асосий вакиллари яқинлашиб келаётган Олимпиадада Ўзбекистон шарафини ҳимоя қилишади. Демак, чемпионлик рухияти ҳақида гап-сўз бўлиши мумкин эмас. 

Терма жамоамиз таркиби ҳали Ўзбекистон шахмат федерацияси томонидан расман эълон қилингани йўқ. Яқин орада терма жамоа таркиби маълум қилиниши кутилмоқда. 


Ўзбекистон 2026 йилги шахмат Олимпиадаси мезбонлиги учун курашади

Ушбу Олимпиада доирасида FIDE Конгресси ҳам ташкил этилади. Конгресс доирасида 2026 йилги шахмат Олимпиадаси мезбони ҳам эълон қилинаи. Аввалроқ ушбу мусобақа мезбонлиги учун Ўзбекистон ҳам даъвогарлик қилиши ҳақида Olamsport.com сайтида маълум қилгандик

Маълумот учун, 45-Олимпиадага Венгрия пойтахти Будапешт шаҳри мезбонлик қилиши аниқ бўлиб улгурган. Ажаб эмаски, 46-Олимпиада Ўзбекистонга насиб этса. 


Шахмат Олимпиадаларида қайси мамлакатлар етакчи? 

Ҳар икки йилда бир маротаба ўтказиладиган Бутунжаҳон шахмат Олимпиадаси статистикасига назар ташлайдиган бўлсак, эркаклар ўртасидаги баҳсларда СССР терма жамоаси 18 та олтин медаль (1 та кумуш) билан яққол устун бўлиб турибди. Иккинчи ўриндан АҚШ терма жамоаси 6 та олтин (6 та кумуш ва 8 та бронза) билан жой олган. Россия ҳам АҚШ каби 6 та олтин медалга эга (3 та кумуш, 3 та бронза). Фақат кумушлар ҳисобига кўра улар океанорти вакилларидан ортда қолишади. 


Аёллар ўртасидаги баҳсларда ҳам СССР 11 та олтин медаль қўлга киритиб, биринчи ўринда қайд этилган. 6 та олтинга эга чиққан Хитой иккинчи поғонани банд этган бўлса, кучли учликка Грузия якун ясаган. 

Бутунжаҳон шахмат Олимпиадаси 1924 йилдан буён ўтказиб келинади. 

Яқинлашиб келаётган Бутунжаҳон шахмат Олимпиадасида Ўзбекистон терма жамоаси аъзоларига омад тилаймиз.


Азиз Тўхтамуродов тайёрлади

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг