“Бухоро” футбол клуби Шаҳрам Ғиёсовни табриклайди!

Рио Олимпиадаси совриндори ҳамюртимиз Шаҳрам Ғиёсов Гамбург шаҳрида бўлиб ўтган жаҳон чемпионатида финал жангини ўтказди.
Спортчимизга ҳал қилувчи жангда кубалик Рониэль Иглесиас рақиблик қилди. Шаҳрам жангни кўтаринки рухда ўтказди ва якунда 5:0 ҳисобида ғалаба қозониб, жаҳон чемпионлигини қўлга киритди.
Шаҳрамнинг ушбу ютуғи шубҳасиз мамлакатимиз довруғини яна бир бор бутун дунёга таратди. Жаҳон чемпионатида нафақат Ғиёсовни балки бошқа боксчиларимизнинг ҳам ижобий иштироки, халқаро майдонларда муносиб қатнаша оладиган иқтидорли спортчилар авлоди вояга етаётганини бутун дунёга кўрсатиб қўйди.

Ўзбекистон ва Бухорони ўғлони бўлмиш Шаҳрам Ғиёсовни қўлга киритган олтин медали барча ҳамюртларимиз қатори, “Бухоро” футбол клуби аъзоларини ҳам беҳад қувонтирди. Очиғини айтганда, Шаҳрамнинг ҳар бир ўтказган жангги жамоамиз аъзоларининг диққат марказида бўлди. Шукурки, Ғиёсов финалгача етиб борди ва унда тажрибали рақибига ҳеч қандай имконият қолдирмади.
Шу муносабат билан “Бухоро” футбол клуби раҳбарияти, мураббийлар штаби, футболчилар, ишчи-ходимлар ҳамда минглаб бухоролик футбол ишқибозлар номидан Шаҳрам Ғиёсовни қўлга киритган улкан соврини билан самимий муборакбод этиб қоламиз! Унинг келгуси фаолиятида янада омад ва зафарлар ёр бўлишини Яратгандан тилаб қоламиз!

Шаҳрам Олтин медалинг муборак бўлсин! Биз Сен билан доимо фахрланамиз!



“Бухоро” футбол клуби маъмурияти.