31 дек 15:27
Янгиликлар
Бокс/ММА
Бухорода йилнинг энг яхшилари аниқланди
Бухоро вилоятида спорт соҳасида ортда қолаётган 2021 йил якунларига бағишланган тадбир ташкил этди.
Унда вилоят ҳокими Ботир Зарипов ҳам иштирок этди. Эътиборлиси йил якунларига кўра, Бухорода бокс оиласи вакиллари ҳам ўз вилоятларида бир қатор номинацияларда ғолиб бўлишди.
Унга кўра, жаҳон чемпионати финалчиси Абдумалик Халаков йилнинг энг яхши спортчиси, ёшлар ўртасидаги Осиё чемпионати ғолибаси Сабина Бобоқулова йилнинг энг яхши аёл спортчиси, Хамза Авезов йилнинг энг яхши мураббийи, Ўзбекистон бокс федерацияси Бухоро вилояти бўлими (Равшан Ходжаев) эса йилнинг энг яхши спорт федерацияси сифатида эътироф этилди.
Шунингдек, бокс спорт турини ривожлантиришга қўшган ҳиссаси учун - Бухоро вилоят прокурори, Бухоро бокс федерацияси раиси Махмуд Истамов махсус соврин билан тақдирланди.
Ҳавола :
Манба : t.me/boxinguzbekistan
Фикрлар