03 фев 10:46
Янгиликлар

Бокс/ММА

Чаноқ суяги синган чемпион илк ҳимоя жангини нокаут билан якунлади

Мексикалик боксчи Оскар Вальдес ярим енгил вазн тоифасида ўзига тегишли бўлиб турган WBO чемпионлик камарини ҳимоя қилди.

У айни дақиқаларда АҚШнинг Техас штати Фриско шаҳрида ўтказилаётган бокс оқшомида италиялик Кармина Томмазонни техник нокаутга учратди. Тўртинчи раундда Кармина икки бор нокдаун ҳолатига тушиб қолди.

Еттинчи раундда амалдаги чемпион италиялик рақибини чуқур нокдаунга учратди. Рефери эса вазиятни тўғри англаб, жангни тўхтатишга мажбур бўлди. Вальдес фаолиятидаги 25-ғалабасини қўлга киритди. Кармина эса 20та жангидан сўнг илк бор мағлуб бўлди.

Эътиборлиси шундаки, Вальдес ўтган йилнинг август ойида Скотт Куиггага қарши ўтказган жангида бошининг чаноқ суягини синдириб олганди. Ўша жангда эса у барибир ғалаба нашидасини сурган эди.