20 окт 08:41
Янгиликлар

Бокс/ММА

Чемпион Филиппинда машғулот ўтказяпти, жанг эса Лас-Вегасда

Профессионал бокснинг ўрта вазн (66.7 кг) тоифасида WBC Silver чемпионлик камари соҳиби Қудратилло Абдуқаҳҳоров навбатдаги жангига тайёргарликни Филиппин пойтахти Манила шаҳрида олиб боряпти.

Ушбу машғулот 15 ноябрга қадар давом этади ва шу куни чемпион боксчимиз АҚШга жўнаб кетади. Қудратилло 18 ноябрь куни АҚШнинг Невада штати Лас-Вегас шаҳрида фаолиятидаги ўн учинчи жангида рингга кўтарилади.

Маълумот учун, Қудратилло Абдуқаҳҳоров бугунги кунгача 12 та жанг ўтказган ва уларнинг барчасида ғалаба қозонган. Ушбу жангларнинг 8 тасида у рақибларини нокаутга учратган. Шу кунларда ўн учинчи жангдаги рақиб номига ойдинлик киритилади.