04 июн 08:12
Янгиликлар

Бокс/ММА

Чемпион жароҳат олди, Мюррей билан жанг қолдирилади

Профессионал бокснинг ўрта вазн тоифасида WBO йўналиши чемпиони Билли Жо Сондерс машғулот чоғида оёғидан жароҳат олди.

Бунинг натижасида унинг Мартин Мюррейга қарши 23 июнь куни ўтказилиши керак бўлган жанги номаълум муддатга кўчирилади. Бу маълумотни боксчининг промоутери Фрэнк Уоррен ҳам тасдиқлади.

Аслида ушбу жанг 14 апрель куни ўтказилиши белгиланганди. Лекин ўшанда ҳам Сондерс қўлидан олган жароҳатини рўкач қилиб, жангнинг кечроқ муддатга сурилишига эришганди. Бу сафар Мартин Мюррей бунга ишонмади ва Сондерсни баҳона қилиб, жангдан қочаётганликда айблади.