02 июн 08:25
Янгиликлар

Бокс/ММА

Чемпион Майки Гарсиянинг навбатдаги рақиби маълум

Профессионал бокснинг енгил вазн тоифасида WBC йўналиши чемпиони америкалик Майки Гарсия (36-0, 30 КО) ўзининг навбатдаги жангини 29 июль куни ўтказади.

Ушбу жанг АҚШнинг Бруклин шаҳрида бўлиб ўтади. Гарсиянинг рақиби 4 та вазн тоифасида собиқ жаҳон чемпиони Эдриэн Бронер (33-2, 24 КО) бўлади. Жанг биринчи ярим ўрта вазн тоифасида ўтказилади.

Шу боис ҳам, жанг натижасидан қатъий назар Гарсия ўзига тегишли бўлган чемпионлик камарини сақлаб қолади. Майки сўнгги бор шу йилнинг январида черногориялик Деян Златичанинни нокаутга учратганди.