04 фев 17:30
Янгиликлар
China Dragons - Uzbek Tigers 3:2. Мавсумни мағлубият билан бошладик
Айни дақиқаларда “Ўзбек йўлбарслари” жамоаси Санья шаҳрида “China Dragons” боксчилари меҳмони бўлишяпти. Айнан бугунги учрашув билан “Ўзбек йўлбарслари” The World Series Boxing (WSB) мусобақасининг ҳисоб бўйича еттинчи мавсумидаги иштирокини бошлади.
Биринчи бўлиб рингга -49 кг вазн тоифасидаги боксчилар кўтарилишди. Унда ҳамюртимиз Мироншоҳ Ибрагимов мезбонлар вакили Хин Хуянгни 3:0 (50:45, 49:47, 48:47) ҳисобида мағлуб этиб, жамоамизни олдинга олиб чиқди.
Шундан сўнг рингга -56 кг вазндаги боксчилар кўтарилишди. Ҳамюртимиз Абдулҳай Шораҳматов беш раундга мўлжалланган жангда рақиби Лонг Янгни 3:0 (50:45, 49:46, 50:45) ҳисобида таслим этиб. Бу билан умумий ҳисоб 2:0га етди.
Афсуски, қолган уч боксчимиз рақибларига имкониятни бой бериб қўйишди. 64 кг вазндаги Элнур Абдураимов Кианхун Хуга, 75 кг вазн тоифасидаги Улуғбек Ҳақбердиев Минганг Чаога, 91 кгдаги Бобурбек Йўлдошев Жинг Гуога ютқазиб қўйди.
Шу тариқа, "Ўзбек йўлбарслари" жамоаси мавсумни 2:3 ҳисобидаги мағлубият билан бошлашди.
Эслатиб ўтамиз, “Uzbek Tigers” жамоаси ўтган йили ушбу мусобақада дебют қилган ва ярим финалга қадар етиб борганди. Боксчиларимиз финал остонасида бўлажак чемпионлар - кубалик боксчиларга имкониятни бой беришган эди.
Фикрлар