Чжэн Чжэнчжоудаги турнир 1/2 финалида ўйнайди

Дунёнинг 24-ракеткаси бўлиб турган Чжэн Циньвэнь ўз ватанидаги турнир бош совринини кўзлаяпти. Хитойлик теннисчи чорак финал баҳсида рейтингда ўзидан тўрт поғона қуйида бораётган украиналик Ангелина Калининани 6/3, 6/2 ҳисобларида мағлубиятга учратди.

Теннисчиларнинг ўзаро учрашувларидаги ҳисоб йириклашди - 3:0. Давомийлиги 88 дақиқа бўлган баҳсда Циньвэнь 8 та эйс, 4 та брейк қайд этиб, 4 та қўшхатога йўл қўйди. Энди у ярим финалда италиялик Жасмине Паолинига қарши кортга чиқади.