14 июн 08:46
Янгиликлар

Теннис

Queen's Club. Чжэн Циньвэнь Радукануни таслим этди

Лондон шаҳрида ўтказилаётган WTA 500 тоифасига кирувчи Queen's Club теннис турнирида 1/2 финалчилар аниқланди.

Дунёнинг бешинчи ракеткаси бўлиб турган хитойлик Чжэн Циньвэнь 1/4 финалда мезбонлар вакиласи, WTA рейтингида 37-поғонада бораётган Эмма Радукануни ортиқча қийинчиликсиз мағлубиятга учратди - 6/2, 6/4.

Бу теннис маликаларининг ўзаро ўтказган илк учрашуви бўлди. Бир соату 50 дақиқа давом этган баҳсда Чжэн 5, Радукану 4 та эйс зарбасини амалга оширди. Қўшхатолар британиялик теннисчида кўпроқ бўлди - 7 га 4. Брейклар бўйича эса табиийки, ғолиб теннисчи устунлик қилди - 5 га 2!