17 ноя 08:03
Янгиликлар
Двалишвили Ахмед Гаджимагомедовдан узр сўради
У билан бўлган можаро грузиялик жангчининг Абу-Дабида Усман Нурмагомедовнинг жамоаси билан тўқнашувига сабаб бўлган эди.
"Ахмед, биз иккимиз ҳам воқеадан кейин нима бўлганини биламиз – қўл бериб кўришгандик ва шу билан тугаганди. Лекин кейин видео тарқалди, унда сенинг оилангни ҳақорат қилганимни иккимиз ҳам кўрдик. Мен шу учунгина узр сўрамоқчиман. Бундай ниятим йўқ эди. Сен менга яқинлашиб, қўлимдан тутиб, бошқа тилда бақира бошлаганингда, ким эканингни ҳам билмасдим. Биз бу воқеага нуқта қўйишимиз керак. Бизнинг кўп умумий дўстларимиз бор. Агар учрашмоқчи бўлсанг, менга тўғридан-тўғри ёз", — деб ёзди Двалишвили ижтимоий тармоқда россияликка мурожаат қилиб.
Ўтган ҳафта Мераб Двалишвили ва Усман Нурмагомедовнинг меҳмонхона холлидаги учрашуви жамоалар ўртасида оммавий муштлашув билан якунланганди, унда иштирок этган барча Абу-Даби полицияси томонидан ҳибсга олинган эди.
Жанжалнинг бошланишида айбдор деб топилган Россия жамоасининг олти нафар вакили олти ойдан қамоқ жазосига ҳукм қилинди, Двалишвили ва унинг дўсти Саба Лазишвили эса жарима тўлаш билан қутулиб қолишди.

Фикрлар