04 июн 17:07
Янгиликлар

Теннис

Арина Соболенко "Ролан Гаррос" 1/2 финалида ўйнайди

Дунёнинг биринчи ракеткаси Арина Соболенко Франция Очиқ чемпионатидаги муваффақиятли юришини давом эттирмоқда.

Беларуслик теннис маликаси WTA рейтингида 7-ўринни эгаллаб турган хитойлик Чжэн Циньвэнни 7/6(3), 6/3 ҳисобида мағлубиятга учратди Арина Чин юрти вакиласига ноқулай рақиб бўлиб қолмоқда. Ўзаро учрашувлардаги ҳисоб 7:1 кўринишига келди.

Бир соату 57 дақиқа давом этган баҳсда Соболенко 6, Чжэн 5 та эйс зарбасини амалга оширган. Брейклар бўйича устунлик Арина томонида бўлди - 4 га 2. Энди у финал чиптаси учун польшалик Ига Свёнтекка қарши кортга чиқади.