16 дек 09:38
Янгиликлар

Теннис

WTA 2025 йилги мавсумнинг энг яхши учрашувини аниқлади

Аёл теннисчилар ассоциацияси (WTA) 2025 йилги мавсумнинг энг яхши матчини эълон қилди.

Римдаги грунт қопламали WTA 1000 тоифасига кирувчи турнирнинг 1/2 финалидан ўрин олган америкалик Кори Гауфф ҳамда хитойлик Чжэн Циньвэнь ўртасидаги учрашув якунига етган 2025 йилги теннис мавсумининг энг яхши учрашуви деб топилди.

Уч соату 22 дақиқа давом этган баҳс Гауффнинг ҳал қилувчи тай-брейкдаги ғалабаси билан якунланган эди — 7:6 (7:3), 4:6, 7:6 (7:4).

Қизиғи, ярим финалдаги қийин ғалабадан кейин Коко бош соврин учун кечган финал учрашувида италиялик Жасмин Паолинига ютқазиб қўйганди.