26 авг 18:04
Янгиликлар

Теннис

Чорич 197 дақиқаликда баҳсда аламли мағлубиятни қабул қилиб олди

АҚШнинг Шимолий Каролина штати Уинстон-Сейлем шаҳрида ўтказилаётган теннис бўйича ATP турнири ўз якуни сари яқинлашмоқда.

Дунёнинг 29-ракеткаси хорватиялик Борна Чорич 3 соату 17 дақиқа давом этган мураккаб баҳсда АTP рейтингининг 47-поғонасида бораётган аргентиналик Себастьян Баесга имкониятни бой бериб қўйди - 3/6, 7/6(4), 6/7(2).

Бу теннисчиларнинг ўзаро илк учрашуви эди. Чорич 9, Баес 4 та эйс зарбасини амалга оширган. Қўшхатолар Борнада кўпроқ бўлди 7 га 1. Брейклар масаласида Себастьян устун - 5 га 3. Энди Баес Уинстон-Сейлем ATP 250 турнири бош соврини учун чехиялик Иржи Лехечкага қарши кортга чиқади.