Циципас Торонто "Мастерс" турнирининг финал остонасида тўхтатилди

Кутилмаганда дунёнинг учинчи ракеткаси бўлиб турган грециялик Стефанос Циципас National Bank Open турнирининг ярим финалида ATP рейтингининг 32-поғонасидан жой олган америкалик Рейлли Опелкага 7/6(2), 6/7(4), 4/6 ҳисобларида имкониятни бой бериб қўйди.

Икки соату 34 дақиқа давом этган учрашувда Стефанос 10 та, Рейлли эса 16 та эйс зарбани амалга оширди. Теннисчиларнинг ўзаро учрашувларидаги мувозанат тикланди - 1:1. Рейлли фаолияти илк бор Топ-5 рейтингдаги теннисчини мағлуб этди ва биринчи маротаба "Мастерс" финалида ўйнайди.