Цзюй Вэньцзюнь - янги жаҳон тождори!

Унда хитойлик икки шахмат маликалари - амалдаги жаҳон чемпиони Тань Чжуньи (2522) ҳамда даъвогарлар ўртасидаги нокаут-турнири ғолибаси Цзюй Вэнцзюнь (2571) ўзаро дона суришди. 

Матч 10 партиядан иборат бўлиб, томонларнинг бири 5,5 очко жамғаргунига қадар давом этиши керак эди ва амалда ҳам шундай бўлди. Ўнинчи партияда Вэнцзюнь оқ доналарда ҳаракат қилиб, ўзига керакли дуранг натиажа қайд этди. 

Бу билан у амалдаги жаҳон чемпионини 5,5:4,5 ҳисобида мағлубиятга учратиб, янги жаҳон тожи соҳибасига айланди. Регламентга кўра ғолиб шахматчи умумий 200 000 АҚШ долларилик мукофот жамғармасидан 120 000 долларига эга чиқди.