Деонтей Уайлдер: Бризилнинг дафн маросими ҳаражатларини кўтараман

Оқшомнинг марказий жанги супероғир вазн тоифасида ўтказилиб, унда WBC чемпиони Деонтей Уайлдер ҳамда даъвогар Доминик Бризил тўқнаш келишади. Жаҳон чемпиони жанг олдидан яна бир бор ўз фикрини билдирди. 

“Мен Бризил бу бокс кечасини узоқ вақт эслаб юришини жуда ҳам хоҳлаяпман. У жанггача жуда кўп гапириб юборди. Ҳар сафар унинг гапларини эсласам қоним қайнаб кетяпти. Оила аъзоларига маслаҳатим у билан кўпроқ гаплашиб олишсин. Чунки, жангдан кейин у ортиқ гапирмаслиги мумкин. Мен Бризилнинг дафн маросими ҳаражатларини ўз зиммамга оламан”, - деди Уайлдер.