26 мар 15:15
Янгиликлар

Бокс/ММА

Деонтей Уайлдер: Фьюри реваншга рози бўлиши керак эди

Профессионал бокснинг супероғир вазн тоифасида WBC йўналиши чемпиони Деонтей Уайлдер британиялик Тайсон Фьюрининг навбатдаги жанги хусусида фикр билдирди.

Ҳозирча мағлубият нималигини билмай келаётган Фьюри 15 июнь куни ўзи сингари мағлубиятга учрамаган германиялик Том Шварцга қарши рингга кўтарилади.

“Фьюри реваншга рози бўлмай, ўзининг қўрқоқлигини намойиш қилди. Агар у чиндан ҳам мени мағлуб этишига кўзи етганида такрорий жангимизга рози бўларди. Биринчи жангда мен яққол устунлик билан ғалаба қозонгандим. Шу сабабли ҳам ҳеч иккиланишсиз унга реванш бергандим. Лекин у бу таклифни қабул қилмади”, - дея Уайлдернинг сўзларини келтирмоқда Boxing Scene.

Эслатиб ўтамиз, Деонтей Уайлдер ўз чемпионлик камарини 18 май куни Доминик Бризилдан ҳимоя қилади.