21 дек 07:54
Янгиликлар

Бокс/ММА

Деонтей Уайлдер: “Ортисни тўртинчи раундда нокаутга учратаман”

Супероғир вазн тоифасида WBC йўналиши чемпиони Деонтей Уайлдер кубалик Луис Ортисга қарши ўтказилиши кутилаётган жанг олдидан ўз фикрлари билан ўртоқлашди.

Аввалроқ ушбу жангнинг 3 март куни АҚШнинг Бруклин шаҳрида ўтказилиши мумкинлиги айтилганди.

“Мен Ортис билан гаплашдим ва қачон жанг ўтказишини сўрадим. У ҳозир сенга қарши рингга чиқишга тайёрман, деди. Шу боис, имкон қадар тезроқ ушбу жанг шартномасига имзо чекишни истайман. Уни узоғи билан тўртинчи раундда нокаутга учратаман”, – деди Уайлдер.

Эслатиб ўтамиз, бу икки боксчи ўртасидаги жанг 4 ноябрь куни ўтказилиши режалаштирилганди. Лекин жанг олдидан Ортис допинг тестдан ўта олмаган эди. Кейин эса кубалик боксчи допингдан фориғ бўлиб, Даниэль Мартцни мағлубиятга учратди.