Дэвис Кубоги. Теннисчиларимизнинг кейинги рақиби ким бўлади?

Умумий ҳисобдаги ғалаба муддатидан аввал қўлга киритилгани боис яккаликдаги сўнгги учрашув ўтказилмади. Кўпчиликни терма жамоамизнинг кейинги босқичдаги рақиби ким бўлиши қизиқтириши табиий.

Терма жамоамизнинг бўлажак рақиби бугун аниқланади. Ҳиндистон ва Янги Зеландия терма жамоалари ўртасида ўтказилаётган учрашуви ғолиби Тошкентда меҳмон бўлади.

Ҳозирча учрашувда мезбонлар, яъни ҳиндистонлик теннисчилар 2:1 ҳисобида олдинда боришяпти. Бироздан сўнг бугунга белгиланган яккаликдаги дастлабки баҳс ўтказилади. Унда Рамкумар Раманатан Фин Тернига қарши кортга чиқади.

Агар бу учрашувда Раманатан ғалаба қозонса, Ҳиндистон терма жамоаси муддатидан аввал кейинги босқич йўлланмасига эга бўлади. Навбатдаги босқич баҳслари 7-9 апрель кунлари бўлиб ўтади.