Диллашоу нокаут эвазига чемпионлик камарини қайтариб олди

Оқшомнинг марказий жангида енгил вазн тоифасида UFC чемпиони Коди Гарбрандт собиқ жаҳон чемпиони Ти Жея Диллашоуга қарши октагонга кўтарилди.

Биринчи раунднинг сўнгги сонияларида Гарбрандт Ти Жейни нокдаун ҳолатига тушириб қўйди. Фақатгина раунднинг якунланиб қолгани Диллашоу фойдасига хизмат қилди. Иккинчи раундда худди шундай ҳолатга энди Гарбрандт тушиб қолди.

Оёқда берилган бу зарбадан сўнг Ти Жей муваффақиятини ривожлантириш мақсадида кетма-кет кучли зарбаларни ёғдирди. Натижада рефери жангни тўхтатишга мажбур бўлди. Бу билан Ти Жей Диллашоу енгил вазнда UFC чемпионлик камарини қайтариб олди.