05 мар 09:43
Янгиликлар

Бокс/ММА

Диллиан Уайтнинг навбатдаги жанг санаси маълум қилинди

Британиялик супероғир вазн тоифасидаги боксчи Диллиан Уайт ўзининг навбатдаги жангини июль ойида ўтказади.

Бу маълумотни боксчининг промоутери Эдди Хирн ҳам журналистлар билан суҳбатда тасдиқлади.

“Диллиан 13 июль куни рингга чиқади. Унинг иштирокидаги жанг Лондон шаҳрида бўлиб ўтади. Уайтнинг рақиби катта эҳтимол билан Доминик Бризил бўлади. Диллиан айнан у билан жанг ўтказишни истаяпти”, - деди Хирн.

Хирннинг айтишича, ушбу бокс оқшомида яна британиялик Дерек Чисора ҳамда Янги Зеландия вакили, собиқ жаҳон чемпиони Жозеф Паркер ўртасидаги жанг ҳам ташкил этилар экан.