“Динамо” – 6 карра Украина Суперкубоги соҳиби!

Одессада ўтган учрашувда киевликлар Донецкнинг “Шахтёр” клубига қарши майдонга тушишди. Ўйиннинг асосий ва қўшимча бўлимларида кучлар тенг келди - 1:1. Аввалига 58-дақиқада Фред “Шахтёр”ни ҳисобда олдинга олиб чиқди. 80-дақиқада Домага Вида мувозанатни тиклади.

Пенальтилар сериясида эса омад “Динамо” футболчиларига кулиб боқди - 4:3. “Шахтёр” таркибида Бернард ва Евгений Селезнев, “Динамо”дан Денис Гармаш пенальтини аниқ амалга ошира билишмади. Ҳал қилувчи зарбани Жуниор Мораес берди.

Шу тариқа, “Динамо” клуби ўз тарихида олтинчи бор Украина Суперкубогини қўлга киритди. Киевликлар сўнгги бор ушбу совринга 2011 йилда эга чиқишган эди. “Шахтёр” бу совринни 7 бор қўлга киритган.

ШАХТЁР – ДИНАМО 1:1 (0:0, 1:1, 0:0, 0:0), по пенальти - 3:4

16 июль, 23.00. “Черноморец” стадиони

Голлар: 1:0 – 58 Фред, 1:1 – 80 Вида.

“Шахтёр” – Пятов, Срна, Исмаили, Ордец, Кривцов, Бернард, Степаненко, Марлос (Веллингтон Нем, 84), Фред, Тайсон (Коваленко, 76), Эдуардо (Селезнев, 70).

“Динамо” –  Шовковский, Вида, Драгович (Хачериди, 46), Антунеш, Морозюк, Корзун, Сидорчук, Буяльский (Федорчук, 68), Громов (Гармаш, 90), Гонсалес, Мораес.

Пенальтилар серияси: 1:0, 1:1, 2:1, 2:2, 3:2, 3:3, 3:4.

Огоҳлантиришлар: Кривцов (50), Срна (54), Степаненко (59), Сидорчук (68), Хачериди (73), Мораес (89).