Дмитрий Салита: Эргашев - янги Головкин!

Салита биринчи ярим ўрта вазн тоифасида ўз жангларини ўтказиб келаётган 27 ёшли чарм қўлқоп устамизни янги Геннадий Головкинга қиёслади. 

“Бир давр якунланиб, иккинчи бошланади. Мен Головкиннинг даврини назарда тутяпман. Айнан Эргашев қозоғистонлик боксчининг ўрнини муносиб тарзда эгаллай олади. Головкиндан кейин юзага келадиган бўшлиқни Шоҳжаҳон тўлдиради. 

Эргашев ўз ватанида юлдуз даражасидаги боксчи. У мағлуб бўлишни истамайди. Instagram саҳифасидаги фолловерлари, яъни ўқувчилари сони 450 мингдан ошди. Маҳаллий хонандалар ўз қўшиқларининг клипига уни таклиф қилишяпти. Мамлакат президенти эса унинг ғалабалари ҳақида гапиряпти. Бу жуда катта эътироф”, - деди Шоҳжаҳон Эргашевнинг промоутери Дмитрий Салита. 

Эслатиб ўтамиз, бугун боксчимиз АҚШда ўзи сингари мағлубият нималигини билмай келаётган америкалик Майкл Фоксни 10 раундлик жанг якунида очколар ҳисобига кўра таслим этганди.