17 окт 08:55
Янгиликлар

Теннис

Дўстов Германия “Челленжер”ида учинчи учрашувини ўтказди

Тажрибали теннисчимиз Фаррух Дўстов Германиянинг Исманинг шаҳрида ўтказилаётган "Челленжер" туркумига кирувчи турнирнинг саралаш баҳсларида иштирок этди.

Дўстов соврин жамғармаси 43 000 долларни ташкил қилувчи ушбу мусобақанинг саралаш баҳслари учинчи босқичида Хуберт Хуркашга қарши кортга чиқди. Польшалик бу теннисчи саралашнинг тўртинчи ракеткаси бўлиб, Фаррухдан тахминан 600 поғона юқорида жойлашганди.

Уч сет давом этган драматик баҳсда Хуберт 7:6(5), 3:6, 6:1 ҳисобида ғалаба қозониб, турнирнинг асосий тўрига йўлланма олди. Дўстов бундан аввал икки теннисчини мағлубиятга учрата олган эди.