Дунёнинг биринчи ракеткаси чемпионлик ҳимоясини давом эттирмоқда

Дунёнинг биринчи ракеткаси Янник Синнер ушбу мусобақанинг амалдаги чемпиони ҳисобланади. Италиялик теннисчи чорак финалда ATP рейтингида 37-ўринни эгаллаб турган чехиялик Иржи Лехечкадан икки сет натижасига кўра устун келди - 6/2, 7/6(6).

Теннисчиларнинг ўзаро учрашувларидаги ҳисоб йириклашди - 3:0. Саксон саккиз дақиқа давом этган баҳсда Синнер 7, Лехечка 2 та эйс зарбасини амалга оширган. Қўшхатолар ва брейклар бўйича устунлик ҳам мос равишда 3 га 0 ва 2 га 0 кўринишида Янник фойдасига бўлди. Иккинчи сетда Иржи тай-брейкда иккита сетболдан фойдалана олмади.