WTA рейтинги. Теннисчимиз 107 поғонага юқорилади, қолганлар ҳам. Иккинчи ракеткамиз ўзгарди

Янгиланган рейтингда теннисчиларимизнинг аксарияти ўз ўринларини яхшилаб олишди. Биринчи рақамли вакиламиз Камила Раҳимова 6 поғонага кўтарилиб, дунёнинг 82-ракеткасига айланди. Шу кунгача учинчи ракеткамиз бўлиб келган Мария Тимофеева ҳам 6 ўринга юқорилади. Бу эса унга Ўзбекистоннинг иккинчи ракеткаси бўлиб олиш имконини берди. Бунга Полина Кудерметованинг 6 ўринга пастлагани ҳам сабаб бўлди. Полина энди учинчи ракеткамиз. 

Энг катта сакрашга Милана Масленкова эришди. У 107 поғонага кўтарилди. Литвадан маҳаллийлаштирилган Лайма Владсон рейтингда пастлаган икки теннисчимиздан бири бўлди. У 8 ўрин қуйига тушди. Қолган барча теннисчиларимиз ўз ўринларини бирмунча яхшилаб олишди. Влада Якшибарова 2, Севиль Юлдашева 4, Нигина Абдураимова 15, Диана Яковлева 9 ўринга кўтарилди. 

Дунё теннисчиларининг Топ-10`талигида ҳам бир нечта ўзгариш кузатилди. Индиан-Уэллс турнирида финалгача етиб келган қозоғистонлик Елена Рибакина бир поғонага юқорилаб, дунёнинг иккинчи ракеткасига айланиб олди. Финалда Рибакинани мағлуб этган беларуслик Арина Соболенко ҳам катта фарқ билан рейтинг пешқадами бўлиб турибди. Польшалик Ига Свёнтек иккинчи поғонадан учинчи ўринга тушди. 

WTA рейтинги. 16 март кунги ҳолат:

1. (1) Арина Соболенко (Беларусь) - 11 025 очко

2. (3) Елена Рыбакина (Қозоғистон) - 7783

3. (2) Ига Свёнтек (Польша) - 7413

4. (4) Коко Гофф (АҚШ) - 6748

5. (5) Жессика Пегула (АҚШ) - 6678

6. (6) Аманда Анисимова (АҚШ) - 6180

7. (7) Жасмин Паолини (Италия) - 4232

8. (9) Элина Свитолина (Украина) - 4020

9. (10) Виктория Мбоко (Канада) - 3351

10. (8) Мирра Андреева (Россия) - 3066

Ўзбекистонлик теннисчиларнинг WTA рейтингидаги ўрни:

82 (88). Камилла Раҳимова – 869

150 (156). Мария Тимофеева – 494

153 (147). Полина Кудерметова – 490

793 (785). Лайма Владсон – 42

1069 (1067). Влада Якшибарова – 16  

1115 (1222). Милана Масленкова – 14 

1242 (1246). Севиль Юлдашева – 9

1385 (1400). Нигина Абдураимова – 5  

1474 (1485). Диана Яковлева – 3