16 фев 10:53
Янгиликлар

Теннис

Дунёнинг саккизинчи ракеткаси бош соврин учун кортга чиқади

Россиянинг Санкт-Петербург шаҳрида теннис бўйича нуфузли WTA турнири давом этмоқда.

Дунёнинг саккизинчи ракеткаси Кики Бертенс мусобақанинг финалига йўл олди. Нидерландиялик теннис маликаси 1/2 финалда мезбонлар вакиласи Екатерина Александровага қарши кортга чиқди.

Бертенс 101 дақиқа давом этган баҳс якунида WTA рейтингида 28-ўринни эгаллаб турган рақибасини 6/1, 4/6, 6/1 ҳисобида доғда қолдирди. Энди 22 ёшли Кики St.Petersburg Ladies Trophy бош соврини учун учрашувда қозоғистонлик Елена Рибакинага қарши баҳс олиб боради.