29 янв 19:50
Янгиликлар

Теннис

Australian Open. Аёллар ўртасидаги турнирда иккинчи финалчи ҳам маълум

Дунёнинг биринчи ракеткаси Арина Соболенкога қарши Австралия Очиқ чемпионати бош соврини учун кортга чиқадиган теннис маликаси аниқланди.

Бу бахтли иштирокчи қозоғистонлик Елена Рибакина бўлди. Дунёнинг бешинчи ракеткаси бўлиб турган ён қўшнимиз 1/2 финалда WTA рейтингида ўзидан бир поғона қуйида бораётган америкалик рақибаси Жессика Пегулани мағлубиятга учратди - 6/3, 7/6(7).

Бу билан у теннисчиларнинг ўзаро учрашуви ҳисоб-китобида ҳам олдинга чиқиб олишга муваффақ бўлди - 4:3. Роппа-роса 100 дақиқа давом этган баҳсда Рибакина 6, Пегула 2 та эйс зарбасини амалга оширган. Иккала теннисчи ҳам қўшхатога йўл қўймади. Брейклар бўйича устунлик ғолиб томонида бўлди - 4 га 3.