24 окт 20:04
Янгиликлар
Дзюдо
Дзюдо. Муҳриддин Тиловов — Абу-Дабидаги "Катта дубулға" кумуш медали соҳибига айланди!
Аввал хабар берганимиздек, бугун БАА пойтахти Абу-Даби шаҳрида дзюдо бўйича "Катта Дубулға" туркумига кирувчи нуфузли турнир старт олди.
Аҳамиятлиси, -66 кг вазн тоифасида бугунги баҳсларда иштирок этган терма жамоамиз аъзоси Муҳриддин Тиловов нуфузли мусобақанинг вице-чемпионига айланди ва кумуш медални қўлга киритди. Ҳамютимиз иккинчи босқичда туркманистонлик Сердар Раҳимовни, учинчи даврада саудиялик Мунис Ҳавсавини, 1/4 финалда БАА вакили Нармандаҳ Баянмунҳни, 1/2 финалда эса мўғулистонлик Эрхембаяр Баттогтоҳни мағлубиятга учратди.
Ҳал қилувчи баҳсда эса Муҳриддин Токио Олимпиадаси кумуш медали соҳиби, грузиялик Важа Маргвелашвилига имкониятни бой берди.
Бугунги натижаси орқали Муҳриддин Тиловов Париж-2024 ёзги Олимпиадаси йўлида 700 рейтинг очкосини ҳам қўлга киритди.
Ҳавола :
Манба : olamsport.com
Фикрлар