13 июн 13:17
Янгиликлар

Бокс/ММА

Эдди жанг олдидан Фьюридан 49 килограмм оғирроқ чиқди + ФОТО

Стронгмен Эдди Холл ва боксчи Томми Фьюри Англиянинг Манчестер шаҳрида бўлиб ўтадиган Misfits 23 шоуси доирасидаги бокс жанги олдидан вазн ўлчаш маросимидан ўтишди.

Холлнинг вазни 147,7 кг ни ташкил этди, Фьюри эса тарозида 98,7 кг натижа кўрсатди.

Таъкидлаш керакки, Холл учун бу фаолиятидаги энг кичик вазн (яккакурашга ўтганида у 180 кг дан ортиқ эди), Фьюри учун эса энг каттаси (илгари у ҳеч қачон 94,5 кг дан ортиқ расмий вазн билан рингга чиқмаган).

Томми Фьюри ва Эдди Холл ўртасидаги жанг кўргазмали мақомга эга. У икки дақиқадан иборат олтита раундга мўлжалланган бўлиб, рақиблар 12 унция ҳажмдаги қўлқопларда жанг қилишади.