“Эл Классико” олдидан Роналду умумий гуруҳда машғулот ўтказмаяпти

Қироллик клуби  ушбу ўйинга тайёргарликни давом эттирмоқда. Мадридликлар етакчиси Криштиану Роналду ҳали ҳамон индвидуал тарзда шуғулланмоқда. Клуб расмий сайти хабарига кўра, португалиялик футболчи жамоадошларидан фарқли равишда бир ўзи тўпсиз ва тўп билан машғулот ўтказди.

Роналду клублар ўртасидаги  жаҳон чемпионати финал учрашувидан кейин оёғида оғриқни ҳис қилганди. 32 ёшли футболчи ўйиндан кейин журналистлар билан суҳбатда “Эл Классико”га қадар майдонга тушишга тайёр бўлишини таъкидлаган эди.

Бир қатор испан ОАВлари Роналдунинг “Барселона”га қарши майдонга тушиши сўроқ остида эканлиги ҳақида хабар бермоқда.