07 фев 14:08
Янгиликлар

Бокс/ММА

Элейдер Альварес: Ковалёв билан учинчи маротаба жанг ўтказишни истайман

Профессионал бокснинг ярим оғир вазн тоифасида собиқ жаҳон чемпиони Элейдер Альварес россиялик Сергей Ковалёв билан учинчи маротаба жанг ўтказиш истагида эканлигини маълум қилди.

Ўтган якшанба куни колумбиялик боксчи WBO чемпионлик камарини Ковалёвга бой бериб қўйганди. 2 февраль куни бўлиб ўтган реванш жангида россиялик боксчи очколар ҳисобига кўра ғалаба қозониб, камарини қайтариб олганди.

“Мен Сергей билан яна бир бор жанг ўтказишни истайман. Ҳозирча ҳисоб тенг бўлиб турибди. Орани очиқ қилиб олиш учун учинчи жанг ҳам ўтказилиши керак. Мен реванш жангида рақибимни нокаутга учратишни режа қилгандим”, - деди 34 ёшли Альварес.