06 авг 10:41
Янгиликлар

Бокс/ММА

Элейдер Альварес: “Ковалёв секинлашиб қолди, мен эса вазиятдан фойдаландим”

Профессионал бокснинг ярим оғир вазн тоифасида WBO йўналишининг янги чемпиони Элейдер Альварес кечаги жанг юзасидан ўз фикрини билдирди.

Колумбиялик боксчи ушбу чемпионлик камарининг эндиликда собиқ эгаси Сергей Ковалёвни еттинчи раундда нокаутга учратиб, жаҳон чемпионига айланган эди.

“Хиссиётларимни сўз билан ифодалаш мушкул. Мен Сергейга кучли эканим ва зарба кўтара олишимни исботламоқчи бўлгандим. Буни амалда исботладим. Жангнинг ўрталарига келиб Ковалёвнинг ҳаракатлари секинлашиб қолди. Зарбалари ҳам кучли чиқмаётганди. Мен эса бу вазиятдан унумли фойдаланиб қолдим”, – деди Альварес.