Элина Свитолина Радукануга қарши баҳсда иродали ғалабага эришди

Дунёнинг 25-ракеткаси бўлиб турган украиналик Элина Свитолина иккинчи даврада WTA рейтингида 301-поғонадан жой олган британиялик Эмма Радукану устидан иродали ғалабага эришди - 6/7(5), 7/6(3), 6/1. 

Теннисчиларнинг ўзаро илк учрашуви 2 соату 52 дақиқа давом этган. Свитолина 10, Радукану 6 та эйс зарбасини ижро этган. Қўшхатолар Эммада кўпроқ бўлди - 6 га 3! Элина 6, рақибаси 4 та брейкни амалга оширган. Энди украиналик теннис маликаси ASB Classic турнирининг чорак финалида чехиялик Мари Бузковага қарши кортга чиқади.