Zagreb Open турнирида яна 2 та кумуш ва 1 та бронза медали қўлга киритилди, терма жамоамиз мусобақани иккинчи ўринда якунлади

Мусобақанинг сўнгги кунида Ўзбекистон терма жамоаси аъзолари яна 2 та кумуш ва 1 та бронза медалларига эга чиқди.

55 кг вазн тоифасидаги вакилимиз Ихтиёр Ботиров ҳамда 60 кг вазн тоифасидаги Алишер Ғаниев шоҳсупанинг иккинчи поғонасидан жой олган бўлса, Шаҳзод Қўчқоров (72 кг) учинчи натижани қайд этди.

Шу тариқа, Ўзбекистон юнон-рум кураши терма жамоаси Zagreb Open турнирини 1 та олтин, 4 та кумуш ва 1 та бронза медали билан умумжамоа ҳисобида Эрондан сўнг иккинчи ўринда якунлади. Учинчи ўрин эса Қозоғистонга насиб этди.