Элнур Абдураимов: "Ўз уйингда деворлар ҳам ёрдам беради"

"Жамоа билан бирга ушбу жангларга яхши тайёргарлик кўрдик. Ўтган сафарги жангда рақиблар ғалаба қозонган эдилар. Айтишадику, ўз уйингда деворлар ҳам ёрдам беради. Бундан ташқари рақиб ҳам кучли эди. Лекин, жамоамиз ўшанда ҳам ёмон иштирок этмаганди.

Насиб этса, эртанги жангларда ғалаба қозонмоқчимиз.

Мураббийларимиз билан бирга барча рақибларимизни ўрганиб чиқдик. Бу ерда ҳам профессионал жанг бўлиб ўтади. Кучни 5 та раундга тенг тақсимлай олиш керак.

Ушбу рақибимга қарши олдин тўқнаш келмаганман. Бу илк жангимиз бўлади", - дейди жаҳон чемпионати совриндори Элнур Абдураимов.