Енгилмас Норматов АҚШда бешинчи жангини ўтказди

Фаолиятини АҚШда давом эттираётган ҳамюртимиз Нью-Йорк шаҳридаги BB King Blues Club & Grill аренасида пуэрторикалик Никлаус Флазга қарши рингга кўтарилди. Иккала боксчи ҳам фаолияти давомида мағлубиятга учрамаган эди.

Хуршидбек Норматов 4та жангда ғалаба қозонган, нокаутлари сони 2тани ташкил этаётганди. Флаз 5та жангнинг барчасида зафар қучган эди. Нокаут эвазига қозонган ғалабалари сони эса 4тани ташкил этаётганди.

Бугун тажрибали боксчимиз енгилмас рақибига илк мағлубиятни тақдим этди. Бутун жанг давомида катта устунликка эга бўлган Хуршидбек очколар ҳисобига кўра зафар қучди ва проф рингдаги ғалабалари сонини бештага етказиб олди.

Эслатиб ўтамиз, Норматов бундан аввалги жангини Машантукет шаҳридаги Foxwoods Resort казиносида ўтказиб, канадалик Брюс Лачмедиални 6 раундлик жангнинг биринчи раундидаёқ нокаутга учратган эди.