19 дек 13:04
Янгиликлар

Бокс/ММА

Энтони Жошуа: Уайлдер, оғзингга сиққан пулни сўра, биз берамиз!

Супероғир вазн тоифасида IBF, WBA, WBO ва IBO йўналишлари чемпиони Энтони Жошуа ҳамон WBC чемпиони Деонтей Уайлдерга қарши 2019 йилда жанг ўтказиш умидидан воз кечмаяпти.

Британиялик боксчи бу борада Уайлдер учун таклиф қилинадиган гонорар суммасини оширишга ҳам тайёр.

“Биз Лондондаги Уэмбли стадионини аниқ бир сана учун “брон” қилиб қўйдик. Мен Уайлдерга қарши жангга тайёрман. Бунинг учун жамоам билан катта ҳажмдаги иш олиб боряпмиз. Лекин Деонтей бу жангдан қочишга интиляпти. Лекин қачонгача бу давом этади?

Деонтей, оғзингга сиққан пулни сўра, биз уни беришга тайёрмиз! Барибир бу жангдан узоқ қочиб юра олмайсан. Фақат фаолиятингни якунлаш орқалигина мен билан жанг қилмаслигинг мумкин. Бошқа барча ҳолатларда йўлларимиз кесишади”, - деди Жошуа.