Энтони Жошуа: Уайлдер, сенга бошқа гапим йўқ, Уайт билан жанг қиламан!

Британиялик жаҳон чемпиони америкалик боксчи ва унинг жамоасига бир неча бор таклиф билан чиққан эди. Лекин ҳар сафар тайинли жавоб олгани йўқ. Бу ҳолатда Жошуа ҳамюрти Диллиан Уайтга қарши рингга чиқишни афзал билмоқда.

“Деонтей, ортиқ сени кутмайман. Ҳозир менга Уайтга қарши жанг ўтказиш муҳимроқ. Иккита иккинчи даражали камарлар соҳиби бўлиб турган Уайтни аввал нокаутга учратганман. Лекин у шу кунларда менинг шаънимга номақбул гапларни айтиб юрибди. Уни тарбиялаб қўядиган фурсат етиб келди. Уайт ҳам, Уайлдер ҳам менинг даражамдаги боксчилар эмас”, - деди Жошуа.

Эслатиб ўтамиз, кеча оқшом Диллиан Уайт Британияда ўтказилган жангда ҳамюрти Дерек Чисорани нокаутга учратган эди.