13 ноя 14:19
Янгиликлар

Бокс/ММА

Энтони Жошуа: “Уайлдердан фарқли равишда Кличко ҳақиқий профессионал”

Профессионал бокснинг супероғир вазн тоифасида WBA, IBF ва IBO йўналишлари чемпиони Энтони Жошуа WBC версиясида жаҳон чемпиони америкалик Деонтей Уайлдерни танқид остига олди.

Уайлдер ижтимоий тармоқдаги саҳифаларида Жошуа манзилига ҳар хил гапларни йўллаганди. Британиялик чемпион бу фикрларга ўз муносабатини чиройли тарзда билдирди.

“Кличкога қарши кечган жангим олдидан Владимир ижтимоий тармоқларда мен билан жанг қилишга тайёрмисан, қабилидаги битта ҳам сўз ёзмаганди. Биз ёпиқ эшиклар ортида шартнома имзоладик ва шундай сўнг кенг оммага буни расман эълон қилдик.

Профессионаллар худди шундай ишлаши керак. Владимир ҳақиқий профессионал! Мен Кличко каби боксчиларни ҳурмат қиламан. Уайлдер эса дунёни бошига кўтармоқда. Ўз томонимдан шуни аниқ айта оламанки, 2018 йилда мен Деонтейга қарши жанг қилишга тайёрман”, – деди Жошуа Gulf News нашрига берган интервьюсида.