07 май 14:50
Янгиликлар

Бокс/ММА

Энтони Жошуа Усикдан қочмайди

Профессионал бокснинг супероғир вазн тоифасида WBA, IBF ва WBO йўналишлари чемпиони Энтони Жошуа iFL TV каналига интервью берди.

Британиялик жаҳон чемпиони ўз интервьюсида биринчи оғир вазн тоифасида собиқ мутлоқ жаҳон чемпиони украиналик Александр Усик билан жанг қилишга тайёр эканлигини маълум қилган. Лекин бунинг учун Усик WBO чемпионлик камари учун расмий даъвогарга айланиши шарт.

“Шубҳасиз, мен у билан жанг қилишга тайёрман. Мен ҳеч кимдан қочмайман ва қўрқмайман. Фақат бунинг учун Усик расмий даъвогар мақомини қўлга киритиши лозим. Шундагина биз рингда ўзаро тўқнаш келамиз”, - деган Жошуа.

Эслатиб ўтамиз, Александр Усик 25 май куни супероғир вазн тоифасида дебют жангини ўтказади. У шу куни Карлос Такамга қарши рингга кўтарилади. WBO қоидаларига кўра бошқа вазндан ўтган боксчи кучли рақибга “вызов” ташлаш ҳуқуқига эга.