28 апр 09:35
Янгиликлар
Футбол
Эшитдик-да! Хосе Мария Мендез Ўзбекистонни тарк этади
Эшитишимизга қараганда футзал бўйича Ўзбекистон терма жамоаси бош мураббийи Хосе Мария Мендез яқин орада ўз лавозимини тарк этади.
Испаниялик мураббий 2015 йилнинг март ойида Ўзбекистон терма жамоаси бош мураббийи этиб тайинланганди. Унинг қўл остида терма жамоамиз 2016 йил Тошкентда бўлиб ўтган Осиё чемпионатида финалга қадар етиб борган ва Эронга 1:2 ҳисобида мағлуб бўлганди.
Бундан ташқари айнан Хосе Мария Мендез футзал бўйича Ўзбекистон терма жамоасини илк бор Жаҳон чемпионатига олиб чиққан. Ўтган йил куз ойида Колумбияда бўлиб ўтган мундиалда Ўзбекистон иштирок этиб қайтганди.
Айни пайтда мураббий Ўзбекистон U-20 терма жамоасига устозлик қилмоқда. Май ойида Таиландда ёшлар ўртасидаги Осиё чемпионати бўлиб ўтади. Катта эҳтимол билан Хосе Мария Мендез шу мусобақадан кейин Ўзбекистонни тарк этади.
Ҳавола :
Манба : championat.asia
Фикрлар