Евро-2016. Португалия илк бор Европа чемпиони!

Гуруҳ босқичидан бир амаллаб плей-оффга йўлланма олган Португалия терма жамоаси якунда Европа чемпионлигига эришди. Ҳал қилувчи финал учрашувида Криштиану Роналду сардорлигидаги жамоа мусобақа мезбонларини мағлуб этишди.

Ўйиннинг асосий вақтида хисоб очилмади. Боз устига биринчи бўлимнинг ўзида Роналду жароҳат  олиб майдонни тарк этди. Айнан ўша паллаларда кўпчилик энди Франция ортиқча қийинчиликсиз ғалаба қозонади, деб ўйлай бошлади.

Лекин португалияликлар бунга осонликча рози бўлишмади. Қўшимча бўлимлар ўтиб бораётган бир паллада, аниқроғи 109-дақиқада Эдер жамоасига Европа чемпионлигини тақдим этган голга муаллифлик қилди. Португалия ўз тарихида илк бор Европа чемпионига айланди.  

Евро-2016. Финал

ПОРТУГАЛИЯ – ФРАНЦИЯ 1:0

10 июль. Сен-Дени. “Стад-де-Франс” стадиони.

Гол: Эдер 109

Португалия: Руй Патрисиу, Пепе, Жозе Фонте, Рафаэль Геррейру, Криштиану Роналду (Рикардо Куарежма 23), Жоау Мариу, Виллиам Карвалью, Ренату Саншеш (Эдер 79), Нани, Седрик Соареш, Адриен Сильва (Жоау Моутинью 66).

Франция: Уго Льорис, Патрис Эвра, Антуан Гризманн, Димитри Пайе (Кингсли Коман 58), Оливье Жиру (Андре-Пьер Жиньяк 78), Блез Матюиди, Поль Погба, Мусса Сиссоко (Антони Марсьял 111), Бакари Санья, Лоран Косьельни, Самуэль Умтити.

Бош ҳакам: Марк Клаттенбург (Англия).

Огоҳлантиришлар: С.Соареш 34, Ж.Мариу 62, В.Карвалью 98, Р.Патрисиу 123 – С.Юмтити 80, Б.Матюиди 97, Л.Косьельни 107, П.Погба 115