Extra Round 2. Ферузбекда мағлубият, Ҳумоюнда шов-шувли ғалаба

“Дом Печати” аренасида бўлиб ўтган бокс оқшоми RCC Boxing Promotions (Titov Boxing Promotions) промоутерлик компанияси томонидан ташкил этилди.

Биз учун аҳамиятлиси, ушбу бокс кечасида икки нафар чарм қўқлоп устамиз - Ферузбек Йўлдошев ва Ҳумоюн Рустамов ҳам ўз жангларини ўтказишди.

Ферузбек вакант бўлиб турган WBO Youth lightweight чемпионлик камари учун россиялик Муҳаммадхўжа Якубовга қарши рингга кўтарилди.

Афсуски, боксчимиз бешинчи раундда елкасидан олган жароҳати сабаб жангни давом эттира олмади. Аниқроғи, шифокорлар бунга рухсат беришмади.

Ҳумоюн эса яна бир мезбон боксчи Мурад Арсланов билан тўқнаш келди. Рустамовнинг рақиби анча кучли бўлиб, шу пайтгача ҳали бирор марта ҳам мағлубиятга учрамаганди. Боксчимиз номдор рақибини енгишга муваффақ бўлди.