24 июн 13:58
Янгиликлар

Теннис

Фарғона “Челленжер”. Жуфтлик мусобақасида ғолиблар аниқланди

Фарғона шаҳрида теннис бўйича “Челленжер” туркумига кирувчи турнир ўз якунига етиб боряпти.

Соврин жамғармаси 75 000 АҚШ долларини ташкил қилувчи мусобақанинг жуфтлик баҳсларида финал учрашуви бўлиб ўтди. Унда Иван Гахов ва Александр Павлюченковдан иборат жуфтлик турнир ғолибига айланди.

Россиялик теннисчилар 1 соату 1 дақиқа давом этган баҳсда ҳиндистонлик ракетка усталари - Сакет Минени ва Виджай Сундар ҳамкорлигини икки сетда ҳам бир хил 6:4 ҳисобида мағлуб этишди. Чемпионлик Гахов ва Павлюченковга 90 рейтинг очкоси ҳамда 4 650 доллар мукофот пулини тақдим этди.