24 июн 12:35
Янгиликлар
Теннис
Фарғона “Фьючерс”. Абдураимова бош мукофот соҳибаси!
Ҳозиргина Фарғона шаҳридаги “Истиқлол” теннис кортларида ўтказилаётган “Фьючерс” туркумига кирувчи турнир ўз якунига етди.
Мукофот жамғармаси 25 000 АҚШ долларини ташкил қилган мусобақанинг яккалик баҳсларидаги бош соврин ҳамюртимиз Нигина Абдураимовага насиб этди. Нигина осонлик билан чемпионликни қўлга киритди.
Мамлакатимизнинг иккинчи ракеткаси турнирда учинчи рақам остида таснифланган эди. У финалда россиялик Анастасия Фроловага қарши кортга чиқди. Биринчи сет 6:3 ҳисобида Нигинанинг фойдасига ҳал бўлди.
Иккинчи сетнинг иккинчи геймидан сўнг Настя курашни давом эттира олмаслигини маълум қилди. Бу пайтга келиб Абдураимова 2:0 ҳисобида олдинга чиқиб олган эди.
Шу тариқа, Нигина Абдураимова Фарғона “Фьючерс” турнири ғолибасига айланди. Эртага эълон қилинадиган янгиланган рейтингда теннисчимиз ўз ўрнини яхшилаб олади.
Ҳавола :
Манба : olamsport.com
Фикрлар