24 июн 10:31
Янгиликлар

Теннис

Фарғона “Фьючерс”. Бугун Нигина бош мукофот учун кортга чиқади

Бугун Фарғона шаҳридаги “Истиқлол” теннис кортларида ўтказилаётган “Фьючерс” туркумига кирувчи турнир ўз якунига етади.

Ушбу мусобақанинг мукофот жамғармаси 25 000 АҚШ долларини ташкил қилади. Бугун ҳал қилувчи финал баҳсида мамлакатимизнинг иккинчи рақамли теннисчиси Нигина Абдураимова россиялик Анастасия Фроловага қарши кортга чиқади.

Кеча ярим финалда мусобақанинг учинчи ракеткаси сифатида қайд этилган ҳамюртимиз олтинчи рақам остида ҳаракат қилган россиялик Варвара Флинкни 6:2, 6:4 ҳисобида мағлуб этганди. Фролова эса турнир кашфиётига айланган теннисчимиз Гўзал Юсуповадан устун келганди.